Prime Ministan Italiya, Georgia Maloney ta sauka Saudi Arabia a ranar Jumma’a, a wata ziyarar da ba’a bayyana ba, da zai kai ta Qatar, da kuma hadaddiyar daular larabawa, kamar yadda wani jami’in gwamnati ya fada.
Prime Ministar Meloni ta yayi balaguro zuwa Jeddah, a ziyarar farko irinta da wani jami’i daga kungiyar tarayyar turai ta kai Saudiyya tun bayan barkewar yakin hadin guiwar Amurka da Isra’ila kan Iran, cikin watan Febwairu, kuma zata gana da Yerima mai jiran gado Muhammad Bin Salman, inji jammi’in.
Wannan majiyar data bukaci a sakaye sunanta, tace zimmar wannan ziyarar ta kwanaki biyu itace nuna goyon bayan kasar ga kawayenta da suke yankin Gulf, da kuma kare makamashi da kasar take samu daga yankin, ganin kasar italiyan tana fuskantar tashin farashin makamashi a kasar.
Ahalinda ake ciki kuma, rahotanni sunce shugaban Rasha Vladimir Putin, ya tattauna da takwaran aikinsa na Turkiyya Rajib Tayyyib Erdogan kan rikicin na gabas ta tsakiya, kamar yadda fadar Kremlin ta fada.
