Hukumar asusun yara ta Majalisar Ɗinkin Duniya (UNICEF) ta miƙa gudunmawar babura guda 45 ga gwamnatin jihar Bauchi. Wannan mataki na nufin Karfafa ayyukan kiwon lafiya, musamman a yankunan karkara da ke da wahalar isa gare su.
Wadannan babura za su zama silar sauƙaƙa ayyukan jami’an lafiya ta hanyoyin Isar da Rigakafi tabbatar da cewa alluran rigakafi sun isa ga yara a kowane lungu da saƙo na jihar.
Inganta bibiyar lafiyar mata masu juna biyu da kananan yara Kawar da cikas ɗin da rashin kyawun hanyoyi ke haifarwa wajen isar da agajin gaggawa.
Wannan tallafi yana cikin tsarin UNICEF na
Inganta tsarin kiwon lafiya na matakin farko (Primary Healthcare).
Ƙara yawan yaran da ke samun cikakken rigakafi a jihar rage mace-macen uwa da jinjiri ta hanyar kai ɗauki akan lokaci.
”Wannan haɗin gwiwa wata shaida ce ta ƙudirinmu na kare lafiyar yara da marasa ƙarfi, tare da tabbatar da cewa kowane ɗan ƙasa ya sami damar yin amfani da ingantaccen tsarin kiwon lafiya ba tare da la’akari da inda yake zaune ba.” — Sanarwar UNICEF.
Wannan mataki ya ƙara jaddada muhimmancin haɗin gwiwa tsakanin ƙungiyoyin ƙasa da ƙasa da gwamnatocin jihohi wajen samar da rayuwa mai inganci ga al’umma.
