Sakataren Polo na Bauchi a tarayyar Najeriya ya Jinjinawa Gwamna Bauchi Bala Mohammed saboda Inganta hanyar shiga filin Wasa da dakin baki da yayi.
Yayin da ake shirin fara gasar wasan Polo a Jihar Bauchi ranar Litinin, 13 ga Yuli, 2026, Sakataren Kungiyar Polo ta Jihar Bauchi, Alhaji Haruna Ningi, ya bayyana godiya ga Mai Girma Gwamnan Jihar Bauchi, Sanata Bala Abdulkadir Mohammed, Kauran Bauchi, bisa irin gudummawar da ya bayar wajen inganta filin wasan Polo.
Ningi” ya ce gwamnatin Bauchi karkashin Bala Mohammed ta aiwatar da muhimman ayyuka a filin wasan, ciki har da gyaran da inganta ɗakin baƙi da kuma sabunta hanyar shiga filin wasan, lamarin da ya ƙara wa filin kima tare da sauƙaƙa zirga-zirgar ga mahalarta gasar.
” Ya bayyana cewa waɗannan ayyuka sun nuna yadda gwamnatin jihar ke ba da muhimmanci ga bunƙasa harkokin wasanni da samar da ingantattun wuraren gudanar da su a fadin jihar
Sakataren ya ƙara da cewa wannan tallafi ya ɗaukaka martabar Kungiyar Polo ta Bauchi, tare da samar da yanayi mai kyau ga ‘yan wasa, baƙi da sauran masu sha’awar wasan Polo da za su halarci gasar.
A ƙarshe, ya yi addu’ar Allah Ya saka wa Gwamna Bala Abdulkadir Mohammed da alheri, tare da fatan gasar Polo ta bana za ta gudana cikin nasara da lumana.
Ya kuma yi kira ga dukkanin masy sha’awar wasan Polo da su bada hadin kai yayin da wasar ke guda na a jihar Bauchi da ke tarayyar Najeriya.
Manyan yan wasan Polo ne daga sassa daban -daban daga Najeriya harma da ƙasashen waje zasu halarci wannan gasar wacce za’a shafe kwanaki takwas ana fafatawa.
