Afirka ta kudu ta dora Haraji mai tsanani kan karafa da ake shigo da su daga China da kuma Thailand, bayan da kasar ta sami shaida karara kasashen suna zubar da farashi, wadda yake illa ga masana’antun karafa na cikin gida, kamar yadda hukumar cinikayyar kasar ta gano.
Karafa da ake amfani da su wajen gine gine da aka shigo da su daga China za su fuskanci haraji kusan kashi 75 cikin dari, yayinda wadanda aka shigo da su daga Thailand za su fuskanci harajin kashi 20. 32 kamar yadda wata sanarwar gwamnati mai kwanan wata 19 na Maris ya nuna.
