Alejandro Balde na dab da komawa Manchester United, yayin da kungiyoyin biyu yanzu ke tattaunawa kan kudin cinikinsa.
Rahotanni sun ce Barcelona ta riga ta ba da izinin Balde ya tafi Manchester United domin gudanar da gwajin lafiya, muddin kungiyoyin biyu sun cimma matsaya kan kudin cinikinsa.
An ce an riga an cimma yarjejeniya kan sharuddan kwangilar ɗan wasan, inda zai sanya hannu kan kwangilar shekaru 5, wadda za ta ci gaba har zuwa watan Yunin 2031, tare da yiwuwar tsawaitawa.
Kocin Barcelona, Hansi Flick, ya kuma bayyana wa Balde da wakilinsa Jorge Mendes cewa ɗan wasan ba ya cikin shirinsa na kakar wasa mai zuwa.
Ana sa ran za a yi muhimman tattaunawa cikin wannan makon domin kammala yarjejeniyar.
Manchester United na kara matsawa domin kammala cinikin Balde.
