An Fara Gasar Bauchi Annual International Polo
A ranar litinin 13 ga watan Yulin 2026 ne aka ƙaddamar da gasar Bauchi Annual International Polo Tournament 2026 a filin wasan Col. AD Umar Polo Ground da ke kan titin Ningi a jihar Bauchi a tarayyan Najeriya.
Bikin buɗe gasar ya samu halartar manyan baƙi, masu ruwa da tsaki a harkar wasan polo, shugabannin ƙungiyoyi da dimbin sha’awar wasan daga sassa daban-daban na Najeriya, da kuma kasashen waje lamarin da ya nuna muhimmancin gasar a matsayin na ɗaya daga cikin manyan wasannin polo da ake gudanarwa a ƙasar.
A wannan shekara, ana sanya manyan kofuna guda huɗu da suka haɗa da Governor’s Cup, Emir of Bauchi Cup, Tafawa Balewa Cup da kuma Sarkin Fulani Cup, ƙungiyoyi da ‘yan wasa daga jihohi daban-daban ne za su nuna bajinta a tsawon kwanakin da za’a yi a gasar inda aka fara tun ranar 13 har zuwa 18 ga Yuli, 2026.
Jami’in hulda da jama’a na gasar Shamsuddeen Marafa, ya bayyana wa GTA Hausa cewa, baya ga nishaɗi wasan na da muhimmiyar rawa wajen bunƙasa harkokin yawon buɗe ido, kasuwanci da kuma hada zumunci tsakanin mahalarta daga sassa daban-daban na ƙasar har da na ketare.
A bana an samu karin ƙungiyoyi masu buga gasar Polo fiye da na shekarun baya wadda hakan ya ke nuna irin nasarorin da ake cimmawa wajan hada wannan gasar tare da taimakon yan Kasuwa da kuma Gwamnati da dai-dai kun al’uma ” Shamsudeen.
