Hukumar kula da harkokin yada labarai a Najeriya NBC, ta fara gudanar da wani muhimmin taron dabarun aiki a makarantar koyon aikin yada labarai ta kasa da ke Lifecamp a Abuja.
Taron wanda Darakta Janar na Hukumar Mista Charles Ebuebu ke jagoranta, ya hada manyan shugabanni da kuma matasa ma’aikatan Hukumar.
Taron na da nufin karfafa tsare-tsaren Hukumar wajen sauke nauyin da ke wuyenta, musamman a daidai lokacin da harkar yada labarai ke fuskantar sauye-sauye cikin sauri.
Mahalarta na tattaunawa ne kan hanyoyin da za a inganta aikin kulawa, karfafa hadin gwiwa tsakanin hukumomi, da kuma inganta hanyoyin gudanar da aiki yadda ya kamata.
Haka kuma taron na baiwa matasa ma’aikatan Hukumar damar bayyana ra’ayoyinsu domin samar da harkar yada labarai mai inganci da ta dace da zamani.
