Yau litinin farashin zinari ko Gold, ya kai inda ba’a taba gani ba, sama da dala dubu biyar kan ko wani ma auni, yayinda masu zuba jari suke sayensa a zaman kadara ganin yadda zaman dar dar da tankiya a sassan duniya suke karuwa.
Zinari da ake kira Spot, farashinsa ya kai dala dubu biyar da 29 da kobon Amurka 62, yayinda kasuwarsa na Amurka ya dara gold da ake kira spot da kobo takwas.
“Hasashen mu a shekaran nan farashin Gold zai kai har dala dubu shida da dari hudu kan ko wani ma’auni, zai dai rika tashi ya zauka kimain dala dubu biyar, 375, inji mai nazari mai zaman kansa Ross Norman.
Karin tankiya tsakanin Amurka da kawayenta dake cikin kungiyar tsaro ta NATO kan makomar Greenland, yana daga cikin dalilan da suka janyo tashin farashin zinari a wannan shekara, tare da zaton ci gaba da samun rashin tabbas game da harkar kudi da kuma cudanya tsakanin kasashe a sassa duniya daban daban.
