Najeriya da Amurka sun rattaba hannu kan wata sabuwar yarjejeniya da zata ƙarfafa zuba jarin Amurka a fannin ma’adinai na Nijeriya.
An rattaba hannu kan yarjejeniyar ne a gefen babban taron Majalisar Ɗinkin Duniya (UNGA) da ke gudana a birnin New York na Amurka.
Ministan Ma’adinai a Najeriya, Dakta Dele Alake, ne ya rattaba hannu a madadin Nijeriya, yayin da Mataimakin Sakataren Harkokin Wajen Amurka, Christopher Landau, ya sanya hannu a madadin Amurka.
A cewar rahoton DW Afrika, yarjejeniyar na da nufin jawo ƙarin jarin ƙasashen waje zuwa fannin ma’adinai na Nijeriya, wanda ake kiyasta darajarsa ta kai kusan dala biliyan 700.
Ana sa ran yarjejeniyar zata bude kofa ga kamfanonin Amurka su zuba jari kai tsaye a harkar hakar ma’adanai masu mahimmanci da Najeriya ke da su.
