Yayin da aka fara musayar yawu tsakanin gwamnatin jihar Kano da tsohon gwamna Abdullhi Umar Ganduje, da kuma mataimakin shugaban majalisar dattawan Najeriya Sanata Barau Jibrin, game da batun tsaro a jihar.
Inda gwamnatin Abba Kabir Yusuf, ke ganin cewar gwamnatin da ta shude ce ta kai su inda suke a yanzu, a bangare daya kuwa tsohon gwamna Abdullahi Ganduje, ke alakanta tabarbarewar tsaro a jihar a matsayin rashin sanin makamar aiki da wannan gwamnatin ke nunawa.
Masu sharhi kan tsaro da sha’anin mulki sun gargadi bangarorin biyu, su cire siyasa a cikin harkoki da suka shafi tsaro, don kuwa a duk lokacin da abubuwa suka ki yin dadi, babu maganar jam’iyya ko addini.
Duk wani bababnci da ‘yan siyasa ke da shi a tsakanin su, to su maida hankali wajen ganin sun kawowa al’ummar da suke wakilata tsaro, siyasar su ta tsaya a tsakanin su. Dr. Sa’idu Ahmad Dukawa, ya kara da cewar, ba illa bane idan ita gwamnati mai ci ta nemi shawarar tsohon gwamna, don sanin wasu dabaru da suka kamata su yi amfani da su wajen shawo kan matsalar tsaro a jihar.
