Shugaban Amurka Donald Trump a ranar jumma’a ya bukaci Iran tayi saranda kawai ba tare da wani sharadi ba, mataki da ka iya ruruta rikicin mako daya bayan da Amurka da Isra’ila suka kaddamar yaki kan kasar, wanda fadin hakan zai sa ayi wahala na kawo karshen fadan cikin sauri.
Mr. Trump ya furta hakan ne a dandalin sada zumunta, sa’o’i kadan bayanda shugaban kasar Iran ya bayyana cewa wata kasa da ba’a bayyana sunanta ba ta fara shiga tsakani, misali na farko da aka gani na neman kawo karshen rikicin ta fuskar difilomasiyya, a kuma dai dai lokacin da Isra’ila ta kaddamar wani sabon hari kan Farisan, ita kuma Iran din ta culla makamai masu linzami kan Isra’ila da kuma kan kasashen dake yankin Gulf inda Amurka take da sansanoni.
A jiya jumma’an kakakin sojojin juyin juya hali na Iran, yana ba’a ga shugaba Trump, yace shugaban na Amurka ya sa sojojin ruwan Amurka su raka jiragen dakon mai da kaya su bi ta mashigin ruwan Hormuz.
Wani jam’in Iran a MDD yace zuwa yanzu an kashe fararen hula fiye da dubu daya da dari uku.
