Shugaban kasar Brazil, Luiz Inacio Lula da Silva, ranar juma’a yace ya kamata a gurfanar da hambararren shugaban kasar Venezuela Nicolas Maduro a kasar sa, ba a wata kasa daban ba.
A farkon shekarar nan ne dakarun Amurka suka cafke Maduro a fadar sa dake Caracas, babban birnin kasar, suka kai shi birnin New York, inda ake tuhumar sa da safarar hodar iblis tare da kungiyoyin kasashen waje masu safarar muggan kwayu.
Shugaban na Brazil ya kara da cewa kasar sa ba zata yadda da wani shugaban kasa ya kama na wata kasa ba. Ya ce duk wani dan Brazil da aka kama da laifi a Amurka ya kamata a gurfanar da shi a Brazil, inda ya ce zai gabatar da kudurin nasa a rubuce ga shugaba Donald Trump.
