Iyalan ɗalibai 78 da aka sace a jihar Borno mai fama da Matsalolin Tsaro a Najeriya sun ɗage shirin zanga-zanga a fadar shugaban Nijeriya da ke Abuja, kwanaki 150 bayan sace yaran, saboda talauci da rashin kuɗin sufuri, in ji wani bincike da jaridar Daily Trust ta gudanar.
A ranar 15 ga Mayu ne aka sace ɗalibai 42 a Mussa, sannan aka sace wasu 36 a Lassa ranar 29 ga Yuni 2026. Guda daga cikin iyayen yaran, Ishaku Suya, ya ce wa’adin da suka bai wa gwamnatin Nijeriya ya ƙare ba tare da sun samu amsa ba.
Jaridar ta ruwaito Suya ya ce iyalan na ƙoƙarin girbe amfanin gonakinsu domin samun kuɗin tafiya da tanadar wa sauran ’yan uwa abinci. Ya ƙara da cewa wasu iyaye mata sun daina cin abinci saboda baƙin cikin halin da ’ya’yansu ke ciki.
