Dubbannan ‘yan kasar Cuba sun yi zanga-zanga a gaban ofishin jakadancin Amurka da ke Havana don nuna kin amincewa da mulkin kama karya da Amurka ke yi a yankunan su, biyo bayan kame shugaban Venezuela Niclas maduro.
Zaman doya da manjan da aka dade ana yi tsakanin Amurka da Cuba ya kara ta’azzara ne tun bayan da Amurkan ta kai farmaki Kasar Venezuela da yayi sanadiyar sojoji da jami’an leken asiri na Cuba 32, da ke bawa Maduro kariya, wannan ita ce karawa ta farko tsakanin sojin Amurka da na cuba cikin shekaru da dama.
Da yake jawabi ga masu zanga-zangar, yana me juya bayan sa ga ofishin jakadancin Amurka, shugaban kasar Cuba Miguel Diaz, sanye da Kayan soja, ya yi kira ga ‘yan kasar su ci gaba da hadin kai a yayin da ake fuskantar matsi daga Amurka.
Ya ce, masu mulkin mallaka, bama tsoron ku, kuma bama so ayi mana barazana, a yayin da ya juya yake nuna ofishin jakadancin da yatsa, ya kara da cewa ba zaku razana mu ba.
Ranar Lahadin da ta gabata ne, shugaban Amurka Donald Trump ya ce ba wani man fetur ko kudi na Venezuela da zai kara shiga hannun Cuba, inda ya gargadi fadar gwamnatin Havana ta yi yarjejeniya kafin lokaci ya kure mata.
