Mayakan ISWAP da jiragen yaki marasa matuka wato drones suka rufawa baya, sun kai hari kan wani sansanin sojoji a jihar Barno,suka kashe sojoji masu yawa da asubahin ranar Alhamis, wannan yana kunshe ne cikin bayani da sojojin kasar suka bayar. Kuma wannan shine hari na biyu da mayakan suka kai wa dakarun kasar a yankin cikin makon nan.
Jiragen drones da mayakan ISWAP suke amfani da su a hare haren da suke kaiwa a baya bayan nan ya zafafa tarzoma a yankin, kamar yadda kakakin rundunar sojin Najeriya Leftanar kanar Sani Uba ya fada.
Mayakan na ISWAP sun afkawa sansanin dake Sabon Gari cikin dare sosai, suka kutsa cikin sansanin na wani dan gajeren lokaci, yayin da kuma ake gwabza fada, jiragen yakin su na drones, suka lalata motocin aikin sojojin, manya da kanana.
Wasu majiyoyi biyu ta fuskar tsaro sunce an kashe akalla sojoji 9, da ‘yan banga biyu, wasu 16 kuma suka jikkata.
A bana dai sojojin Najeriya sun kutsa sosai cikin yankin da mayakan sakan suke, a wani sabon yunkuri na kai musu farmaki a inda suke.
