A halinda ake ciki kuma wani jirgin ruwa dauke da iskar Gas daga yankin Arctic na Rasha da aka azawa takunkumi, ya sake hanya daga tekun bahar rum zai bi ta Afirka, sakamakon wani hari da ya kai ga nutsewar wani irin wannan jirgi na dakon iskar gas na Rasha ba nisa daga gabar ruwan Libya cikin makon nan, kamar yadda wata Kungiyar mai sa ido kan zirga zirgar jiragen ruwa ta fada ranar Alhamis.
Rasha tana zargin Ukraine da harin da aka kaiwa jirgin ruwanta mai suna Metagaz, wadda Moscow ke cewa mayakan ruwa daga hukumomin Kyiv ne suka kaddamar dashi daga Libya. Moscon ta kira harin zaman aikin ta’addanci. Ukrain dai bata ce uffan ba kan wannan zargi.
