A ranar Litinin, kasar Kenya ta ce ta cimma yarjejeniya da kasar Rasha cewa ‘yan Kenya baza su kara zuwa dan yiwa Rasha yaki ba, a yakin ta da take yi da Ukraine, bayan da yawan daukan ‘yan Afirka yaki, ya haifar da bacin rai a wasu kasashen na Afirka.
Kenya tace an dauki fiye da ‘yan kasar ta 1000, don yin yaki, inda ake jan hankalin su da albashi mai tsoka da kuma bonus da ya haura dala 6000.
Bayan da ya gana da ministan harkokin waje na Rasha Sergei Lavrov a Moscow, ministan harkokin wajen Kenya Musalia Mudavadi, ya yaba da alakar dake tsakanin kasar sa da fadar gwamnatin Moscow, ciki har da yarda da samun ‘yanci kan Kenya da gwamnatin Soviet tayi a 1963.
Ba’a san ainihin adadadin ‘yan Afirka da suka je yiwa Rasha yaki ba, amma gwamnatin Ukraine tace fiye da ‘yan Afirka 1700, ne ke taya Rasha yaki. Ma’aikatar tsaro ta Rasha bata ce komai game da Wannan ba.
