A ranar lahadi jami’ai a Gwamnatin shugaba Donald Trump na Amurka suna ci gaba da kare matakin da ya kai wani jami’in aikin shige da fice ya harbe tare da kashe wani ba Amurke, a birnin Minneaplos, duk da cewa faya fayan video da mutane da suke wurin yasha ban ban da abunda suke fada, yayinda zaman dar dar yake kara tashi tsakanin jami’an tsaro a yankin dana gwamnatiin tarayya.
Yayinda mazauna birnin na Minneapolis suke ci gaba da kai ziyara da ajiye furanni a inda aka kashe mutumin, cikin matsanancin sanyi, domin nuna alhini ga kisan Alex Pretti, jami’an gwamnatin Trump suna ci gaba da cewa ai Pretti ne ya haurawa jami’an tsaro suka bude mishi wuta domin su kare kansu, matsayar da tayi karo da hotunan video da wadanda suke wurin suka dauka.
Pretti shine ba Amurka na biyu da jami’an shige da fice na Amurka suka kashe a cikin watan nan a birnin na Minneapolis, inda shugaba Trump, dan Republican, ya tura dubban jami’an shige da fice dauke da makamai suna rufe fuskokin su a yunkurin korar bakin haure matakin da ba’a taba ganin irin sa ba.
