Babban Hafsan Sojin Ƙasarln Najeriya, Laftanar Janar Waidi Shaibu, ya yi gargaɗi mai tsanani ga masu aikata laifuka da ke tayar da hankalin al’umma a faɗin ƙasar, inda ya ce za su fuskanci ƙarfin sojoji matuƙar ba su tuba daga munanan ayyukansu ba.
Fiye da sojojin musamman dubu ɗaya (1,000) ne aka ƙara tura wa fagen yaƙi domin ƙarfafa ayyukan tsaron cikin gida da ake gudanarwa a sassa daban-daban na ƙasar.
Babban Hafsan Sojin ya bayyana hakan ne yayin bikin kammala atisayen Exercise Restore Hope 9 da aka gudanar a sansanin rundunar sojin Najeriya da ke Kachia.
Ya jaddada cewa rundunar sojin ƙasa za ta ci gaba da tinkarar duk wani ɓangare na masu tada fitina, inda ya ce duk masu aikata laifi za su gamu da ƙarfin da za su iya jurewa, har sai sun daina munanan ayyukansu kuma sun tuba.
Ya kuma tabbatar wa ‘yan Najeriya cewa rundunar sojin ƙasa za ta ci gaba da jajircewa wajen kare rayuka da dukiyoyin jama’a.
