Sabon jagoran addinin Iran da aka nada Mojtaba Khamenei ya samu rauni kadan, amma yana ci gaba da gudanar da aikinsa, kamar yadda wani jami’in Iran ya shaida wa kamfanin dillancin labarai na Reuters a ranar Laraba bayan da gidan talabijin din kasar ya bayyana shi a matsayin wanda yaki ya raunata.
Iraniyawa ba su ga Khamenei ba, ko kuma ya fitar da wata sanarwa ko sako a bainar jama’a, tun bayan zabensa da aka yi a ranar Lahadin da ta gabata ta wani taron limamai, kuma ana rade-radin cewa ya samu rauni a hare-haren Isra’ila da Amurka.
Da ake ganinsa a matsayin mai tsaurin ra’ayi na kusa da dakarun kare juyin juya halin Musulunci, Khamenei shi ne kan gaba wajen neman ya gaji mahaifinsa Ayatullah Ali Khamenei, wanda aka kashe a harin farko na ranar 28 ga Fabrairu.
Jami’in bai bayar da cikakken bayani game da lokacin da Khamenei ya ji rauni ba ko kuma dalilin da ya sa bai yi wata magana ga jama’a ba tun bayan nadin nasa.
