Wani jami’in hulda da kasashen waje na fadar shugaban Rasha ta Kremlin, Yuri Ushakov, yace a tattaunawar da yayi da shugaba Donald Trump na Amurka, shugaba Vladimir Putin ya gabatar da wasu shawarwari na kawo karshen yakin da aka kaddamar kan Iran a cikin gaggawa.
Ushakov, wanda ke bayani ma ‘yan jarida kan tattaunawar da shugabannin biyu suka yi jiya litinin ta wayar tarho, yace sun kuma tattauna batun Ukraine yana cewa nasarorin da Rasha ta samu a bakin daga cikin kwanakin nan na iya ingiza mashawartan Ukraine su nemi hanyar sasantawa.
Game da batun yakin na Iran, Ushakov yace shugaba Putin ya gabatar da shawarwari masu yawa na warware wannan yaki ta hanyar yin sulhu, shawarwarin da suka hada da tuntubar shugabannin kasashen yankin Gulf da aka riga aka yi, da shugaban Iran din da kuma shugabannin wasu kasashe.
