Kungiyar Wikki Tourists FC Ta yi sabbin ‘yan wasa Uku!
Kungiyar kwallon kafa ta Wikki Tourists FC da ke Bauchi a Najeriya ta kammala sanya hannu kan ƙarin ‘yan wasa uku domin kara karfe a yayin da ƙungiyar ke shirin fafatawa a zagaye na biyu na kakar wasa ta npfl25/26, kamar yadda jami’in hulda da jama’a na ƙungiyar Nasiru Kobi ya fitar da sanarwa
Shugaban ƙungiyar ta Wikki Tourist Salmanu Abubakar shine ya Jagoranci cimma yarjejeniyar da ‘yan wasan a ofishinsa ranar Lahadi 11/01/2026.
‘Yan wasan sune Abubakar Aliyu da aka fi sani da “Korea” wadda ya taba zama dan wasan Wikki a shekarun baya dan wasan tsakiya ne mai hazaka ya dawo don sake zama tare da Wikki Tourists, daga ƙungiyar Kwallon Kafa ta Nasarawa United.
Akwai Obed Ponkap dan wasan gefe mai zafi ya zo daga Barau FC, ƙungiyar ta Wikki tace zai bada gudumawa sosai bangaren tsaro domin yana da kuzari.
Wikki Tourist ta cimma yarjejeniyar da Ibrahim Shuaibu wadda zai ƙara ƙarfin a bangaren gaba.
Ɗan wasan gaba ne mai hazaka ya sanya hannu daga Remo Stars FC.
Daga karshe hukumar gudanawar kungiyar tayi maraba da sabbin ‘yan wasan ta kuma bada tabbacin basu goyan baya domin ci gaban wannan Ƙungiyar ta Wikki Tourist FC Bauchi ta kuma yi alkawarin dawo da ƙungiyar cikin hayyacinta a tsakiyar kakan wasan na bana.
