Ga Fili Ga Doki
Masu sauraron GTA Hausa Amurka ke Magana barkanmu da dawowa sabon shirin GA FILI GA DOKI. Sabon shirin zai duba shin wane shiri APC ke yi don tinkarar sabuwar laimar adawa ta ADC a babban zaben 2027? An samu ‘yan siyasa daga jam’iyyar PDP da ma APC na shiga jam’iyyar ADC da zummar kalubalantar APC a babban zaben. Kama daga dan takarar PDP a 2023 Atiku Abubakar, Peter Obi na Leba da ministan shari’a na gwamnatin APC ta marigayi shugaba Buhari wato Abubakar Malami sun shiga ADC. Masu sharhi na ganin tsarin da APC ke bi tamkar maimaita salon PDP ne daga 2003-2015 inda ka gad an siyasa ya sauya sheka harin lashe zabe ya ke yi ko zama a gwamnati da ke kan karagar mulki. Masanin kimiyyar siyasa Dokta Abubakar Kari ya tsaya a kwarin kunya kan wannan yanayin.
Nasiru Adamu El-hikaya
