Shara ta fara yawa akan titunan birnin Havana babban birnin kasar Cuba, wadda ya janyo kudaje, da warin rubabbun abubuwa, wadda yana daga cikin alamun irin tasirin matakin da Amurka ta dauka na hana mai isa tsibirin mafi girma a yankin Caribean.
Kafar yada labaran kasar da ake kira Cubadebate ta bada labarin cewa motocin dibar shara 44 cikin 106 ne kawai suke aiki saboda karancin mai.
Kwalaye da jakakkuna da aka yi amfani da su da kwalabe, da tsummokara ne suka taru a fadin birnin kasar, a yayinda wasu mazauna birnin suke aikin baban bola-wai ko za su tsinci wani abu mai amfani, jibgin sharar ya tilastawa masu motoci da babura da kekuna hatta masu tafiya da kafa kaucewa tulin jujin yayinda suke zirga zirga.
A wasu garuruwa da suke tsibirin mai mutane milyan 11, mazauna yankunan suna amfani da kafofin sada zumunta suna gargadin barazanar da sharar take yi wa kiwon lafiya.
Gwamnatin kasar mai bin tafarkin kominisanci, ta bullo da shirin kayyade amfani da mai domin tabbbatar muhimman ayyuka basu tsaya ba, a kasar da tuni take fama da da karancin abinci, da mai da kuma magunguna.
