Kungiyar tsaro ta NATO ta sha fuskantar kalubale a baya baya nan da suka kai ga kusan wargajewarta, kama daga yakin Ukraine, da kuma tankiya da suka hada da matsin lamba da zage zage daga shugaban Amurka Donald Trump, wanda yake tababar ainihin muradunta, kai, ya ma yi barzanar zai kwace yankin Greenland.
Amma yakin hadin guiwar Amurka da Isra’ila kan Iran, mel dubbai daga Turai, shine kusan yake matukar barazana ga dorewar kungiyar mai tsawon shekaru 76 da kafuwa, inji masu fashin baki da jami’an difilomasiyya.
Trump ya fusata, saboda kasashen turai sun ki su tura jirragen yakin su domin su bude mashigin ruwan Hormuz, tun bayan kaddamar da yakin hadin guiwar ranar 28 ga watan Febwairu, har yayi ikirarin zai janye daga kungiyar.
“Idan kai ne ni, ba zaka yi haka ba,” Trump ya tambayi kamfanin dillancin labarai na Reuters ranar laraba lokacin da yake hira da shi.
A jawabinsa a daren laraba, Trump ya soki kawayen Amurka, amma bai soki kunigyar ta NATO, wadda masu sharhi suke zaton zai yi.
Wannan yasa msu fashin baki suke ganin, ko da Amurka bata fice daga kungiyar ba, Amurka ba zata taimakawa kasashen turai idan bukatar haka ta taso, saboda haka da alamun kungiyar da aka kafa ta zamanin zaman doya da manja, wanda ya zama ginshin tsaro a turai, ba dole bane yarjejeniyar kare juna tsakanin su ya yayi tasiri nan gaba ba.
