Ƙungiyar kwallon kafa ta Jamhuriyar Congo ta haramta wa Super Eagles ta Najeriya zuwa gasar cin kofin kwallon kafa ta duniya (World Cup) 2026.
Jamhuriyar Congo ta samu nasara ne a wasan karshe da suka yi na neman cike gurbin zuwa gasar a bangaren afirka, inda ta doke Najeriya da ci 4 da 3 a bugun daga kai sai mai tsaron gida, bayan da aka kwashe minti casa’i da 1-1.
Wasan da aka yi shi a Rabar babban birnin Moroko. Yanzu dai Jamhuriyar Congo ita zata wakilci Africa a wasan da za’ayi na samun gurbi da sauran nahiyoyin inda za’a cire kasa daya da zata samu tikitin.
A nahiyar turai kuwa bangaren neman tikitin shiga gasar cin kofin kwallon kafa ta duniya. kasar Portugal ta lallasa Armenia da ci 9-1.
Dan wasan tsakiya na Arsenal, Gabriel Magalhaes, ya ji rauni a cinyarsa ta dama, yayin da yake buga wasa na ƙasa da ƙasa, saboda haka ba zai buga wasan sada zumunci da Brazil za ta buga da Tunisia a Faransa ranar Talata ba.
Dan wasan ya samu raunin ne a dai-dai minti 65 na wasan sada zumunci da Brazil tayi da Senegal a ranar Asabar a filin wasa na Emirates.
A cikin wata sanarwa da ta fitar a ranar Lahadi. Hukumar Kwallon Kafa ta Brazil (CBF) ta ce: “An sake duba ɗan wasan Arsenal, Gabriel Magalhaes, a ranar Lahadi (16) kuma an yi masa gwaje-gwajen hoto wanda ya nuna raunin tsoka a cinyarsa ta dama.
“Saboda haka, ɗan wasan ba zai yi tafiya tare da ƙungiyar zuwa wasan da za su yi a Lille ba. Gabriel, ya rufe fuskarsa da rigarsa cikin takaici yayin da yake barin filin wasa. Dan wasan baya mai shekaru 27 ya buga kowane minti a wasanni 11 na Premier League wa Arsenal a wannan kakar.
Gabriel ya taka muhimmiyar rawa a tarihin tsaron gidan Arsenal. Ita kuwa ƙungiyar kwallon kafa ta Barcelona dake buga gasar La Liga a kasar Spain, tace bata yanke hukuncin sabunta kwantarakin dan wasan gaba na Poland Robert Lewandowski wanda kwantirakinsa za ta ƙare nan bada jimawa ba.
