Shugaban Amurka Donald Trump ya fada ranar talata cewa, galibin kawayen Amurka a Kungiyar tsaro ta NATO sun shaida mata cewa ba so su shiga yakin da Amurka da Isra’ila suka kaddamar kan Iran, matakin da ya kira a zaman “wauta da kuskure.”
Duk da haka Trump bai nuna wata alama cewa zai ladabtar da kasashen da suke cikin Kungiyar ta NATO ba, lokacin da yake magana a ofishin shugaban Amurka da ake kira Oval Office, tare da PM Ireland Michael Martin, wanda ya kawo masa ziyara a bikin ranar da ake kira St. Patrick’s Day, ranar talata.
Mr. Trump yace, “Ina ji NATO tana kwabsa kuskure da wauta,” “Kowa ya goyi bayan mu, amma basa so su taimaka. Saboda haka mu, Amurka, tilas ba zamu manta ba, domin a tunanin mu bamu yi tsammanin haka ba.
