Uwargidan Gwamnan jihar Gombe, Hajiya Asma’u Inuwa Yahaya, ce ta kaddamar da gangamin kwanaki goma sha shidan domin fafutukar kawo karshen cin zarafin jinsi a cikin al’umma.
An gudanar da taron kaddamarwar a Filin wasa na Pantami Gombe, inda taken wannan shekarar ya kasance: “Mu hadu guri ɗaya don kawo ƙarshen cin zarafin mata da ’yan mata ta hanyar amfani da kafafen sadarwar zamani.”
A yayin kaddamarwar, a karakashin ma’aikatar harkokin Mata da cigaban al’umma ta jihar Gombe, Uwargidan Gwamnan ta jaddada bukatar haɗin kai tsakanin al’umma da hukumomi, domin dakile dukkan nau’o’in cin zarafi da ke afkawa mata da ’yan mata, musamman barazanar da suke fuskanta ta kafafen intanet.
Ta kuma yi kira ga duk masu ruwa da tsaki da su ƙara jajircewa wajen kare mutunci, tsaro, da damar amfani da kafafen zamani ga mata da ’yan mata a Gombe da ma kasa baki ɗaya.
Tawagar wacce ta kunshi matan shugabanin kananan hukumomi, kwamishinoni dasauran Mata masu rike da mukamai daban-daban a jihar, da zummar kawo karshen cin zarafin jinsi a tsakanin al’umma.
